Kyrkjehølen

Rundtur i Vikedal Avstand: ca. 1,4 km t/r Tidsbruk: ca. 45 min. Vanskegrad: Enkel Tilkomst og parkering : Følg fylkesveg 46 til Vikedal. I Vikedal sentrum tar du av til idrettsplassen og parkerer der. Her startar turen og du finn informasjonstavle i området. Om turen: Følg løype som vist på kartet, start med å gå forbi kafédelen på bygdahuset. Ta til høgre ved kunstgrasbanen og du kjem til eit kryss kor du tar til venstre. Følg vegen og du vil koma til båthamna som det er verdt å ta ein tur innom. Fortsett vidare til campingplassen. Ved den første campingvogna kan du kan ta ein avstikkar ned til den flotte stranda. Fortsett ca. 50 meter inn på campingplassen, og ta til venstre opp bakken til «nye» Holmen bustadfelt. Hold mot høgre og gå rett fram til vegen går over til grusveg i enden av feltet. Fortsett vidare til du kjem til ei trebru som går over Kyrkjehølen. Du passerer ein lavvo (sjekkpunkt) og fortsett på grusveg langs Kyrkjehølen. Ta til høgre mellom grasbanen og sandvolleyball-anlegget og fortsett vidare fram til der turen starta. Kart over turen